Shpallje

Lëvizja Vetëvendosje pasi që javët e kaluar kreu takimet e rëndësishme në Bruksel dhe në Berlin, këto ditë ka pas takime të rëndësishme në Washington D.C.

Mëposhtë ju ftojmë të lexoni komunikatën për media të lëshuar nga Sekretariati për media i Lëvizjes Vetëvendosje:

 

NGA TAKIMET NË WASHINGTON DC

Kryetari i Lëvizjes VETËVENDOSJE!, Visar Ymeri, dhe koordinatorja e Marrëdhënieve me Jashtë, Gurjeta Zeka, e kanë përmbyllur vizitën në ShBA me disa takime në Washington DC. Ata janë pritur në takim në Departamentin e Shtetit nga Drejtori i Marrëdhënieve me Evropën Qendrore dhe Jugore, z. Matthew Palmer, si dhe në Kongresin Amerikan nga kongresmeni Eliot Engel. Më tej Visar Ymeri dhe Gurjeta Zeka kanë marrë pjesë edhe në një takim të organizuar nga shoqata e profesionistëve të rinj shqiptaro-amerikan në Washington DC, ku ndër të tjerë në këtë takim ishte prezent edhe ish Ambasadori William Walker.

Në këto takime Visar Ymeri ka shpjeguar situatën post-zgjedhore të krijuar në Kosovë pas zgjedhjeve të fundit parlametare si dhe prioritetet e programit qeverisës së Lëvizjes VETËVENDOSJE! të cilat Lëvizja synon t’i sjell në jetë përmes formimit dhe drejtimit të qeverisë së re të Kosovës.

Prishtinë, 14 korrik 2017
Lëvizja VETËVENDOSJE!