Shpallje

Përdoruesit e internetit kanë mbetur të habitur nga një animacion pa zë të cilin në fakt “mund ta dëgjoni”.

GIF-i shfaq një shtyllë të tensionit të lartë duke kërcyer mbi tela si në lojën e kërcimit me litar, duke “shkundur” ekranin sa herë që prek në tokë.

Mijëra përdorues të Twitter kanë raportuar se kanë dëgjuar një zhurmë “të rënies” sa herë që shtylla elektrike binte në tokë.

Dr. Lisa DeBruine, një psikologe në Universitetin Glasgow, e publikoi animacionin, duke pyetur: “A e di dikush pse mund ta dëgjojmë këtë gif?”.

E gjitha duket të jetë për shkak të refleksit akustik në vesh, i cili është një tkurrje e pavullnetshme e muskujve në vesh kur flasim ose dëgjojmë zhurma.