Ndërtimet e larta në Prishtinë. Foto: GazetaOra.com
Ndërtimet e larta në Prishtinë. Foto: GazetaOra.com
Shpallje

Se ende jemi një shoqëri patriarkale nuk ka nevojë shumë të hulumtohet e të vërrehet!

Në Kosovë trashegimia e prindit (nëna s’ka trashegimi se familja e saj e ka “shit” tek burri), merret kryesisht nga djemtë, kurse vajzat lihen anash, ose shtyhen që nëse dëshirojnë raporte të mira me vëllezërit, duhen gjithsesi t’ua nënshkruajnë hisen e tyre të trashegimisë vëllezërve.

Kjo është edhe më e dhimshme si temë kur vërren se vajzat mbrojnë këtë mendësi dhe ju duket shumë e rregullt që trashegimia e saj duhet gjithsesi t’i mbetet vëllaut.

Ligji për trashegimi në Kosovë ka një vrimë e cila mundëson që një trashegimtar mundet me një nënshkrim në gjykatë t’ia lë pjesën e vet një trashegimtari tjetër, duke mos u përmendur në kët ligj gjinia.

Ish ministri i drejtsisë z. Hajrdin Kuçi nëpër studio televizive pat deklaruar vite mëparë se ky ligj do të ndryshoj dhe se kur fillon procedura jokontestimore për ndarje të trashegimisë gjykata do të ndaj trashegiminë në pjesë të barabarta të gjithë trasheguesve, pa marrë parasysh gjininë.

Kjo është premtuar që shumë vite mëparë por ky ndryshim nuk ka ndodhur asnjëherë deri më tani.

Kur, përshembull, Komuna e Prishtinës sipas planit urbanistik jep të drejtën e ndërtimeve të larta nëpër lagjje të ndryshmne, atëherë pronarët e tokave japin disa ari truall për ndërtim të lartë por me ndarjen e sipërfaqeve të banesave nuk kujtohen që edhe nëse janë të uritur e idiotë pas pasurisë, dhe keqpërdorin mirësinë e kuptimit shterpë të kanuneve e që ju prezentohen vajzave, nuk kujtohen që së paku një banesë nga dhjetra sosh t’ia lënë motrës!

Sipas një rasti që ka ndodhur në një truall dhjetra ari, dhe ku janë trashegimtarë dy djem dhe dy vajza (vajzat janë të martuara), prej truallit, këtyre trashgimtarëve ju kanë takuar 60 banesa. Të gjitha banesat i kanë marre dy vëllezërit, kurse motrës së vogël ia kanë dhënë një banesë, e të madhës asnjë sepse këta dy djem nuk po ia dojkan burrin motrës së madhe.

Këto ditë është hapur lëndë në gjykatë në procedurë kontestimore ku vajza a madhe kërkon që të marrë pjesën që i takon, e që janë 15 banesa.

Posa është hapur lënda në Gjykatë, dy vëllezërit nuk i flasin më motrës së madhe, kurse ia bëjnë të gjitha qejfet motrës së vogël që të mos kërkoj edhe kjo 15 banesa. Normale është, nëse edhe motra e vogël që i është dhënë veq një banesë, e fillon të kërkoj 15 banesa që i takojnë, vëllezërit as motrës së vogël më nuk do t’i flasin.

Dashuria vëllezëroree e lidhur me pasuri e para e jo me dashuri ndaj motrave!

Ka edhe shumë raste të tjera që ndodhin tek ne, e nëse ti din ndonjë rast, mund të na shkruash porosi në fanpage-in tonë në Facebook duke klikuar www.m.me/gazetaora – Ju garantojmë që do të mbeteni anonim./GazetaOra.com