Shpallje

Kosova ka pas një fat të hidhur që nga paslufta. Gjithnjë është udhëhequr nga qeverisje përplot hajdutë e kriminelë.

Nuk është që kemi pas ndonjë rehati edhe nën okupimin e Millosheviqit, por atëherë e kemi dit që jemi të okupuar.

Rreth 60% e popullatës në Kosovë nuk votojnë fare!
Rreth 30% e popullatës voton hajdutët, kriminelët, banditët e çkryesit e Kosovës në tanimë 19 vitet e pasluftës.

Pra, mendojmë me mosvotim, këta 60% të abstenuesve në votim, po ua mundësojnë jetëgjatësinë në politikë këtyre lëkurë-trashëve që pa ndjenja po e rrjepin Kosovën çdo ditë.

Shpresojmë që një ditë ata 60% abstenues në votim, do të zgjohen dhe do të bëjnë një rrokadë në qeverisjen nacionale.

Por, në këtë zgjedhje, njerëzit thonë që të gjithë politikanët janë të njejtë.

Por, mund të votoni këdo por asnjëherë të mos votoni nje subjekt politik që veq ka qenë deri më tani në qeverisje.

Pas katër viteve, ndryshoni votën për subjektin politik, votoni dikë tjetër, dhe kështu ky rotacion do të “shpërlaj” skenën politike të Kosovës, derisa të dihet që politikani është shërbyes i pronarit të Kosovë, e pronar i Kosovës është populli, e jo anasjelltas.

As interesat e shteteve të botës nuk mund ta ndryshojnë vullnetin e votuesve në Kosovë, e lëre më hajdutët që janë në qeverisje kaq gjatë në Kosovë./GazetaOra.com