Shpallje

Deputeti i Partisë Demokratike Edi Paloka ka reaguar me anë të një statusi në Facebook në lidhje me qendrimin e Ministrit të Brendshëm Fatmir Xhafaj.
Sipas Palokës ai po fshihet pas karriges së ministrit, për vetë faktin e shkeljes së ligjit.

Postimi i plotë:

Pse hesht Ministri I Brendshëm?

Fatmir Xhafaj duhet të jetë rasti I vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.

Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë.

Fatmir Xhafaj duhet të largohet një orë e më parë.

Çdo orë në zyrën e Ministrit të Brendshëm:

1. Prish provat e lidhjeve të të vëllait me trafikun e drogës
2. Pengon hetimin e të vëllait për trafik droge
3. Pengon arrestimin e tij për vuajtjen e dënimit me 7 vjet e dy muaj burg.
4. Pengon zbatimin e ligjit antimafia.