Shpallje

Nga Franko Hoxha-Në vazhdimësinë e personazheve të ftuar në “Intervistë” do të kemi një personazh të njohur nga fusha e politikës, bëhet fjalë për ish-deputetin e Kuvendit të Shqipërisë dhe kryetarin e PBDKSH Z.Eduart Ndocaj.

Zoti Ndocaj, si ju duket dëshmia e “dëshmitarit X” për cështjen e përfshirjes së vëllait të ministrit të brendshëm Fatmir Xhafa, në trafikun e drogës, besoni ju në vërtetësinë e kësaj interviste ?

-Dëshmia e zotërisë si “dëshmimtari X” është reale dhe se ve aspak në dyshim, ajo që duket surreale është kjo qeveri, që janë të përfshirë nga kryeministri e deri tek polici më i rëndomtë, në trafik droge, vrasje, dhunë dhe kërcënime. Kjo është një qeveri që ka dalë jashtë cdo aspekti demokratik, kjo është një qeveri ku mafia është në krye të shtetit dhe drejton trafikun me ministrat e brendshëm, ministrat e jashtëm, ata të energjisë elektrike apo të shëndetësisë, mbrojtes dhe bujqësisë. Këta janë peshqit e mëdhenj, cdo ministër bashkë me peshkaqenin e madh që është vetë kryeministri.

Mendoni se pas skandalit të Tahirit, rasti i Agron Xhafajt, vëllait të ministrit aktual të brendshëm, i nxorri situatën nga duart qeverisë aktuale dhe sipas jush a duhet të vazhdojë të qëndrojë  Fatmir Xhafaj në krye të Ministrisë së Brendshme ? 

-Mendoj dhe jam i bindur se kjo qeveri e ka kryer misionin e saj duke u etiketuar si qeveria e narkotrafikantëve në cdo kancelari të botës dhe jo më kot asnjë homolog i kryeministrit tonë nuk ndihet rehat kur takon këtë të fundit, sepse gjithë bota e di tashmë që dy ministra të brendshëm janë të “certefikuar” trafikantë të cdo të zeze drejt Europës. Gjithë bota e di tashmë që këta ministra janë ata që marrin urdhërat nga “Padrino” Rama. Ajo që është e dhimbshme është se ne s’kemi opozitë, ajo është në shërbim të qeverisë ose e shantazhon për të marrë ndonjë kockë nga ajo, por nuk është aspak në shërbim të qytetarëve që dhunohen prej 5 vitesh nga kjo qeveri kriminale. Kemi kuksianët të cilët u ngritën në protestë dhe e dorëzuan pa kushte kryeministrin, erdhën në Tiranë për të liruar nga rrëmbimi kriminal patriotët e tyre në mes të natës sic bëntë Kristaq Rama në “kohën e xhaxhit”, por Edi Rama në koordinim të shkëlqyer me opozitën, gjoja i morën kuksianët dhe i dërguan në Milot dhe e quajtën gjithcka një mosbindje civile. Kjo ishte zbehje e asaj mase njerëzore që po i dilte nga kontrolli Ramës dhe me ndihmën e opozitës dhe Bashës, e zbehën plotësisht protestën dhe sot aktualisht kemi 4 kuksianët në burg, të cilët protestuan për bukën e gojës dhe izolimin që “i marri” do t’ju bënte atyre. Tahiri që bredh sa në bare e diskoteka dhe jo në burg, dhe vëllai i Xhafës që shkon si turist në Itali me çarter dhe nuk arrestohet, duhet të dalë përpara drejtësisë shqiptare dhe më pas asaj italiane. Pra këto janë kokat e krimit në Shqipëri, mafja ka shtet.