Shpallje

Në Prishtinë ne hotelin Swiss Diamond, me 1 dhe 2 qershor është mbajtur konferenca e parë Ndërkombëtare mbi Shëndetin, Mirëqenien dhe të Drejtat e Fëmijëve. Në një prononcim për KosovaOnline.info flet njëra nga anëtarët e QHPSM-së, Leunorë Krasniqi.

Kjo konferencë është organizuar nga Qendra për Hulumtime Psiko-Sociale dhe Mjekësore (QHPSM).

“Fëmijët e të sotmes janë trashëgimtarët e të nesërmes, andaj duke tentuar përfshirjen e drejtpërdrejtë të tyre dhe duke thyer kornizat e konferencave tipike shkencore vetëm me hulumtime, kjo konferencë ka përmbajtur: Një tryezë diskutimi me politikë bërës dhe pjesëtarë të shoqërisë civile, 5 fjalime kyçe nga profesionistë të dalluar të shkencave sociale dhe shëndetësore, 15 poster prezantime, 35 prezantime orale, kuiz me fëmijë të pesë shkollave fillore dhe 2 fjalime inspiruese nga fëmijët”, tha Krasniqi.

Punimet filluan me një pikë muzikore dhe me një vallëzim të bukur nga një vogëlushe me down syndrome, duke vazhduar me një fjalë përshëndetëse nga ish- presidentja e Kosovës znj. Atifete Jahjaga.

Më pas hapja e programit filloi me një fjalim mbreslënës nga drejtoresha e Konferencës Rudinë Fetahaj. Ndërsa masës iu drejtua edhe Presidenti i Konferencës Prof. Fitim Uka. Kjo Konferencë u konkretizua sipas agjendës së paraparë nga organizatoret.

Punimet shkencore që u paraqiten në këtë konferencë zgjuan interesim tek tërë audienca. Nje fjalim përmbylles me një kumtesë bëri edhe prof Fitim Uka kështu që duke dhënë edhe epilogun e temave shkencore. Në fund komisioni vlerësues bëri edhe ndarjen e çmimeve ku me çmimin e parë në prezantim u shpërblye Dardana Fetahu dhe me poster prezantimin më të mirë u shperblye Iliriana Geci dhe Trina Xheladini.