Shpallje

Nga Hermes Kafexhiu- Protesta e FRPD-së dhe LRI-së nuk ka një qasje reale lidhur me disa mendime ndryshe, por kjo protestë është e ndërtuar totalisht me një qasje të mprapsht, me një temperament të egër dhe nervoz , njëlloj si një hirark që humb pushtetin dhe tani nuk po e merr dot për shkak se mendimet e tij të vjetra janë të pashkëputura nga dhuna si mjet që justifikon qëllimin.

Ekziston një kontraditë e madhe midis dy forumeve të përmendura, edhe pse ato katërcipërisht vërtetojnë hipokrizinë e tyre. LRI-ja e djeshme që votoi çdo ligj të Republikës për mos të lënë të rinjtë të ikin jashtë, kthehet si një bashkësi kameleonësh e mbërthyer nga aktivist që kanë për parim shfrytzimin e pushtetit pa dallim. Në anën tjetër një FRPD e lodhur, pa strukturë, e gënjyer dhe e përdorur, që gjen veten të bëj protestë për drejtësinë me anëtarët e një partie, që jo më larg se një vit më parë i akuzonin për vjedhje në ekonomi dhe shumë padrejtësi të tjera.

Aleanca e tyre më ngjan me simbiozën e dy kumarxhinjve që fusin të gjitha lekët në një kompjuter fati për të zgjatur sa më shumë pritjen e 5 SHTATAVE…

Kompromisi politik është “underground” dhe i logjikshëm, por në raport me integritetin ai ngrihet pas një reflektimi, autokritike dhe jo sa hap e mbyll sytë si dy motra që kishin kohë pa u takuar.

Kjo lë një shije të hidhur sesi sot disa të rinj e ndërtojnë pritshmërinë e tyre për të ardhmen, duke u bërë pjesë e çdo aleance vetëm e vetëm për pushtet.

Kjo është një babëzi me esencë të vjetër dhe më shumë shqetësuese për aktivizmin që prodhon me të njëjtën formë.

Ky nivel si mental dhe si moshor në këtë pikë të veprimtarisë ,jo vetëm e pengon integrimin por dëmton imazhin dhe perceptimin që mund të kemi për drejtuesit e së ardhmes.

LRI dhe FRPD ngrejnë një pseudo paradigmë e cila jo vetëm duhet kritikuar por dhe distancuar.

Përfaqësimi i tyre në emër të rinisë fsheh një bilanc të trukuar që nuk është aspak larg kërkesës për audienc që ka Garilla me Ujkun e Cërrikut.

I ftoj të edukohen duke lexuar, në menyrë që të kuptojnë, se të plakesh para kohe është dështimi më i suksesshëm.