Shpallje

Nga Anri Bala/

Vërtetë është fyerse, tallja që një tufë kodoshash, që kanë qenë deri në majat më të larta të drejtësisë, gangrenë të shtetit shqiptarë, të dalin në mbrojtje të këtyre banditëve të veshur me pushtet absolut, duke “martirizuar” mijëra shqiptarë me çekiçin e ekzekutorit… padrejtësi. Të flasin për drejtësi Alibeaj, Manjani dhe Bardhi… tre ministra të kësaj kupole krimi, është vërtetë skandal i paprecedentë, që nuk mundet ta pranoi askush.

Alibejaj ish ministri i parë i kësaj katrahure, flet për një farë Dvorani… si mik i Ramës, kur Rama dhe gjithë shqiptarët janë tronditur, nga vendimi qesharak i marrë në favor të bllokut të kuq dhe videos së manipuluar nga “specialistët”, pa asnjë njohuri në fushën e ekspertimit. Ishte kjo video, që solli zemërimin dhe shpërthimin e protestës së “gjakosur” nga dora kriminale e pushtetit te Alibeajt, më 21 Janarit. Ishte ky Dvorani, që hodhi poshtë provat e autenticitetit të videos nga ekspertët amerikan, duke e shpallur të manipuluar dhe duke i dhënë pafajësinë Ilir Metës, bashkëqeverisësit të Sali Berishës.

Ishte “pika e tij e dobët”… Sali Berisha, autori kryesor që i duhej pafajësia e Metës, për të mbajtur në këmbë qeverinë me “patericën e thyer”. Kurse Edi Ramës dhe të majtës shqiptare, ky Dvorani vetëm sa i bëri mashtrimin e paguar të radhës, duke zhgënjyer me mijëra qytetar, që u vranë prej armës pa siguresë, të ngrehur nga klika pushtetmbajtëse.

Edi Rama, nuk ka qenë kurrë i pandehur dhe as i akuzuar për vepra të rënda penale si binomi Berisha-Meta, ndaj nuk ka se si të bëhet “ëngjëlli” mbrojtës i një gjyqtari, që ka bërë një krim…në kurriz të qyetarëve që ai përfaqëson dhe atij vetë.

Më shkoqur, Rama nuk ka asnjë “pikë të dobët”, qoftë në gjyqësor, qoftë në politikë… ndaj i mban “thembrat” zbuluar, sepse “Paridët” e gjyqësorit nuk e godasin dot, e as nuk e shantazhojnë, apo vrasin në këmbim të lirisë, qoftë edhe të jetës… politike!

Alibeajt, Manjanët dhe Bardhët, si ato kodoshat, që “kopilat” e tyre i hedhin derë më derë, sot po vazhdojnë të bëjnë kodoshllëkun e radhës. Hedhin e presin kopilin e tyre, pa mundur t’i vendosin emrin e vërtetë këtij Dvorani, si “parveny” i bindur, i atyre që e katapultuan aty ku duhej … në Gjykatën e Lartë.

Asnjëri nuk guxon ta drejtoi gishtin tek fajtori i “pafajshëm”, sot president, por drejtojnë gishtin në drejtim të gabuar, tek viktima… Edi Rama. Natyrisht, shqiptarët nuk mund t’u hedhësh “hi syve” në mes të ditës, sepse budallenjtë kanë “vdekur”, dhe lehësit nuk i merr njeri seriozisht, por duhet tu gjendet kolibja!

Të lënë pa kolibe, si ish-ministri i “çipave” dhe miku i Balilit, ata nuk dinë se kujt i lehin, gjoja për ta trembur, kur vetë janë të pëgërë me gjakun e tyre, që vjen era…! Manjani, nuk e di se ku e merr guximin të bëjë fajtorë përfaqësuesit e Amerikës, kur statusi i tij është një njeri i dyshuar për korrupsion dhe ryshfet, që ndoshta shumë shpejt do të hetohet, aty ku është lënë… te apartamenti i Balilit

Shpresojmë se do ketë hetim edhe zbardhja e enigmës së shkarkimit si ministër dhe largimit nga çdo funksion, me ceremoni nga partia, që e mbajti për aq kohë sa i duhej.

Nuk e di, por të marrësh të drejtën për të gjykuar përfaqësuesit e Amerikës, duke mos qenë “askushi”, është një lajthitje jo e vogël, edhe nëse… ke lajthitur. Të bësh filozofin e së ardhmes së reformës, sepse nuk paskemi gjykatë Kushtetuese, që “nxiu” Kushtetutën dhe të mbrosh mosprekjen e krimit nga drejtësia, sepse na duhet si krim i domosdoshëm, kjo as nuk mund të perceptohet nga një mendje normale… njerëzore!

E frikshme dhe dyshuese, është veprimtaria e vetingut për ne qytetarët, kur na kalojnë para syve si të “pastër”, milion-arët dhe telendarët, për të na gjykuar përsëri, e për të na dhënë drejtësi… si ajo e Ilir Metës.

Por, ne e kemi një përgjigjie shpresëdhënëse për veten, se kontrolli vazhdon e nuk mbaron këtu! Shpresojmë, se ato… amerikanët, që janë ideator të reformës, por “fajtor” sipas lehësit pa kolibe Manjani dhe tallavaxhiut Alibeaj, që ngatërron porositësin e këngës… nuk do e lejojnë “shpëtimtarin”, që varkën e shpëtimit të tij ta deklaroi si të vjedhur, me anë të tellallëve, për të krijuar tymnajën, që nuk mbulon asgjë por zbulon diçka… dyshimin!

Ndaj, Zot na jep fuqi, që të mos na soset durimi, duke pritur ditën kur kodoshët e politikës, që i hedhin kopilat e tyre derë më derë, t’i detyroi ligji të heshtin dhe të përgjigjen për… imoralitet!/Ekskluzive.al