Shpallje

Deputetja e Partisë Socialiste, njëherësh dhe kordinatore në njësinë nr.6 në Tiranë, Blerina Gjylameti me anë të një postimi në Facebook ka vënë në dukje ndryshimet që OSHEE po bën në Unazën e Re.

Teksa flet për investimet në fushën e energjisë dhe ndryshimet që po bëhen në territorin e kësaj njësise, nuk kanë munguar dhe reagimet nga qytetarët.

Një prej tyre është ai i gazetarit Marjon Gorica i cili në postimin e deputetes shkruan për rrezikun që i kanoset banorëve të Unazës së Re nga kabinat elektrike të cilat qendrojnë të hapura në mes të rrugës.

Pra, banorët e Unazës së Re sot kanë nevojë për aq shumē punë, por më e rëndësishmja është rritja e sigurisë për jetën e tyre, shkruan gazetari.

Koment i cili siç duket nuk i ka pëlqyer deputetes, pasi tregon të vërtetën se në çfarë gjendje ndodhen banorët e kësaj zone.