Shpallje

Nga Marjon Gorica/ Na ndodh shpesh që të shohim në rrugët e Tiranës dhe jo vetëm punonjës policie të cilët ngrejnë pika kontrolli në akset kryesore. Të maskuar dhe me armë në duar ata zbarkojnë mbrëmjeve në rrugët e kryeqytetit, duke dhënë në pamje të parë një pamje tepër të rëndë.

Me kapuçat e zinj ku duken vetëm sytë, ata hedhin vështrimet mbi automjete dhe personat që ndodhen në to.

Realisht janë të frikshëm. Janë të frikshëm nga qendrimi që mbajnë.

Të grupuar në jo më pak se 10 persona, me kallashin e prozhektor në dorë, ndalojnë cdo automjet që për ta është i dyshmitë.

Por cfarë ndikimi ka kjo tek qytetarët?

Fëmijë që largohen të traumatizuar nga vendi i postobllokut, traumë kjo e cila për moshën e tyre është tepër e rëndë.

Po shihja mbrëmjen e djeshme në një nga pikat e kontrollit, pavarësisht se automjeti nuk u ndalua nga policia, fëmija që i shihte nga xhami filloj të qante. Pamje tepër prekëse, por nga prezenca e tyre kushdo trembet.

Aq më tepër një fëmijë i cili nuk e kupton qëllimin apo rolin e tyre.

Thua kjo është një nga ato mënyra efektive për të parandaluar krimin dhe ngjarjet në vend?

Sigurisht që jo!

Krimi nuk ndalohet, as ulet apo parandalohet duke dal rruëgve e duke traumatizuar njerëzit.

Por duke ndjekur politikat e duhura për ta parandaluar e luftuar atë.