Shpallje

Në momentin kur Kryetari i Lëvizjes Vetëvendosje Albin Kurti përmes një paraqitje për media, e tregoi datën për protestën gjithëpopullore për t’i dal në mbrotje atdheut, në rrjetet sociale shumë bashkatdhetarë kanë publikuar statuse se do të jenë pjesëmarrës të shtunën në orën 14:00 në protestën e madhe në Prishtinë.

Aktivisti i Lëvizjes Vetëvendosje Boiken Abazi, në profilin e tij ka shkruar: “Sapo më erdhi kjo fotografi në telefon nga një bashkatdhetar në Gjermani që ka vendosur të marrë avionin për të ardhur në protestën e 29 shtatorit në Prishtinë, dhe më kërkoi që ta bëj publike. Ai e ka kuptuar që kjo protestë është edhe më e rëndësishme se zgjedhjet, pasi përcakton shumëçka për të ardhmen e Kosovës dhe kombit shqiptar. Mërgata shqiptare, si përherë, është në ball të ndryshimeve historike!”