Shpallje

Sic duket televizioni Klan kësaj rradhe ka vendosur të manipuloj të vërtetën e një përgjimi në mënyra tepër qesharake.
Këtë gjë e ka pasqyruar Balkan web në një shkrim të ditës së sotme ku shkruhet:
Emisioni, “Të Paekspozuarit”, siguroi një dokument ekskluziv, të prokurorisë, me transrikptin e bisedës së Vangjush Dakos, me njërin prej anëtarëve të bandës së Shijakut, Altin Avdyli dhe një bisedë tjetër mes Avdylit dhe një personi që kërkon para nga “Vangjushi” për të blerë vota.
Këto dokumente u publikuan në orën 21:00 në Neës 24, pa asnjë modifikim. Por, pak minuta përpara nisjes së emisionit, një version i këtyre përgjimeve, vetëm në tekst, pa logon e institucionit dhe pa datat e regjistrimit, u shfaq në Tv Klan. Por, ky version ka dy ndryshime thelbësore nga versioni origjinal.

Në fund të bisedës mes Altin Avdylit dhe një personi tjetër, përmendet Vangjushi. Personi i paidentifikuar i thotë Avdylit, që t’i kërkojë Vangjushit para, që disa persona të “votojnë”. Por në versionin e publikuar nga Tv Klan, fjala “votojnë”, është zëvendësuar me “…tojnë(nuk kuptohet!)”.
Shpjegimi se kjo fjalë nuk kuptohet, është i çuditshëm, pasi dokumenti i dalë në media, është transkript në tekst dhe jo një audio. Ai është lehtësisht i dallueshëm, siç mund ta shihni më poshtë në versionin e pubikuar nga “Të Paekspozuarit”.
Versioni i TV Klan:

Versioni i plotë origjinal:

Por, përse duhej manipuluar pikërisht kjo fjalë, që i jep edhe kontekst bisedës dhe e lidh atë me zgjedhjet? Biseda e zhvilluar mes këtyre personave, ka ndodhur vetëm një ditë përpara zgjedhjeve të përgjithshme të vitit 2017. Por, në përgjimin e publikuar nga Klan, nuk ka një datë. Pra, duke mos patur datën dhe duke hequr fjalën “votojnë”, biseda e humbet thuajse tërësisht kontekstin që e lidh me zgjedhjet.
Le të supozojmë për një moment, se kjo pjesë nuk është fshirë me qëllim. Nëse kolegët e televizionit Klan, por edhe mediave të tjera që kanë publikuar këtë version, janë të paqartë lidhur me këtë pjesë të bisedës, ata e kanë patur shumë të thjeshtë ta plotësojnë fjalën, sepse dokumenti origjinal është publikuar nga “Të Paekspozuarit” dhe “Balkanëeb”. Por versioni i cunguar që është shpërndarë me shpejtësi në portale, vijon të mbetët pa këto dy elementë kyç, që e lidhin bisedën me zgjedhjet e përgjithshme.
Në bisedën tjetër, mes Vangjush Dakos dhe Altin Avdylit, ka një tjetër modifikim të tekstit. Në fund të bisedës, Vangjush Dako, i thotë Avdylit se është rrugës duke u kthyer nga “Fushë Kruja”. Pikërisht, vendndodhja, pra Fushë Kruja, nuk figuron në tekstin e publikuar nga TV Klan dhe një sërë mediash të tjera, kryesisht pranë qeverisë.
Sic mund ta shihni në dokumentin origjinal, “Fushë Kruja” përmendet nga vetë kryetari i Bashkisë dhe është transkriptuar nga prokuroria.