Vida Kunora rrëfehet për televizionin ”TvR”

Shpallje

Këto ditë në Toronto qëndroi këngëtarja e mirënjohur Vida Kunora  e cila ishte e ftuar nga bashkatdhetarët tane në evenetet e tyre familjare.

Kjo nuk është hera e parë qe Vida është në Kanada , pasi këngët dhe performimi i saj  skenik  përplot sharm ,  kanë krijuar admirues të shumtë edhe përtej Atlantikut , në Amerikë dhe Kanada ku atë e shohim shpesh në koncerte dhe evente të ndryshme muzikore.

Skenat e mëdha  të festivaleve si ai i festialit të Gjirokastres në të cilat u shfaq për herë të parë ,  me kengë nga treva e saj e Malesisë së Madhe , bënë që këngën dhe muzikën ta ketë jo vetem një pasion por dhe profesion .

Profesioni i këngetares me angazhimet e shumta në aktivitetet e ndryshme muzikore  , ja ka pamundësuar angazhimin e saj në arsim  dhe gjatë bisedës tonë tregon përplot  nostalgji për  vitet e para si mësuese para nxënësve të saj.

Repertuari i i pasur kryesishtë me këngë  te gërshetuara nga folklori dhe muzika popullore , të cilat përmbajne dashurinë dhe mallin e mërgimtarëve për vendlindjen , e kanë bërë atë një emër shumë të dashur dhe të kërkuar nëpër vende të ndryshme të botes ku jetojne dhe veprojnë mërgimtarët tanë.

Në bisedën që ekipi  Televizioni TvR realizoi në Toronto me Vida Kunorën  ,do të njiheni edhe me disa momente dhe përjetime gjatë karrierës muzikore