Seldi bëhet i gjallë, zbulon mesazhet që mori pasi u nda nga Mimoza

Shpallje

U ndanë duke mos bërë shumë zhurmë, por Seldi ka vendosur të flasë për ndarjen që kishte me Mimoza Shkodrën.

Pavarësisht se janë ftuar nëpër intervista dhe kanë folur për ndarjen e tyre, historia e Seldit dhe Mimoza Shkodrës vazhdot të mbetet ndër më të përfolurat.

I ftuar në emisionin “Xing me Ermalin”, këngëtari u pyet sesi po i pret ai reagimet e njerëzve.

“Me këto komentet dhe pak do më futen njerëzit në krevat. Na e shpifën.

Më vijnë me qindra mesazhe. Ishte njëri që më shkruante: ‘Si ka mundësi që e ke lënë gjithë atë gocë? Si u ndave, nuk të vjen turp?’, madje kaloi në ofendime të rënda.

Dhe unë ia ktheva: ‘Të keqen vëllai, meqë e do kaq shumë, merre ti’”, u shpreh duke qeshur Seldi.

Ndërsa u pyet nëse e ka kaluar fazën e ndarjes, këngëtari tha:

“Unë e kam kaluar me kohë, por se kanë kaluar njerëzit”.

Seldi konfirmoi sërish se për momentin është beqar. Dy këngëtarët u ndanë në verën e 2018-s, vetëm rreth një viti pas fejesës.