Shpallje

Gjatë mesditës së sotme është publikuar në faqen zyrtare të KQZ-së një grafik ku shihej “rezultati paraprak” i votimit për Bashkinë e Mirditës edhe pse procesi i votimit ende nuk është mbyllur.

Grafiku më pas u fshi menjëherë,mirëpo së fundmi ka ardhur një reagim nga KQZ-ja në të cilin sqarohet me detaje ajo çfarë ndodhi.

Reagimi i plotë:

“Në faqen e KQZ-së është hedhur faqja test e cila do të bëjë transmetimin e rezultateve paraprake, kur të fillojë numërimi i votave, ashtu si në çdo proces zgjedhor. Faqja është në testim ditën e sotme dhe po punohet që të jetë gati kur të fillojë procesi i numërimit. Çdo vit zgjedhor është hedhur faqja paraprakisht që të ambientohen klikuesit e faqes, me modulin. Edhe këtë vit u hodh para se të fillonte numërimi, në mënyrë që të ambientoheni me aplikacionin e ri pasi ndryshon nga moduli me të cilin mediat apo publiku ishte mësuar”.