Stilistja shqiptare fiton konkursin e fustanit të nusërisë me letra higjienike në SHBA

Një fustan i bërë me letra higjienike nga shqiptarja Mimoza Haska është kurorëzuar fitues i konkursit të 15-të Vjetorit të Fustanit të Dasmave me letër higjienike në New York City. Sfilata u transmetua në televizionin kombëtar ditën e hënë.

Stilistja Mimoza Haska nga Surfside Beach, Karolina e Jugut ka marrë pjesë në konkurs shtatë herë. Këtë vit, ajo përdori 48 rrotulla të dyfishta letre tualeti për të bërë këtë fustan të mrekullueshëm martese.

Këtë vit, garuesit hynë në tre kategori: Tradicionale, Moderne dhe Kulturore. Fituesi mori 10,000 dollarë, ndërsa fituesit e cmimit të dytë dhe të tretë morën përkatësisht 5,000 dollarë dhe 2.500 dollarë.