Shpallje

Shkarkimi i drejtorit Aurel Voda me pretekst shkeljen e etikës gjatë komunikimit në rrjetet sociale nuk besoj se është arsyeja reale, e një ministre e cila kërkon të bëj show.

Pa diskutim që shkeljet etike nuk duhen toleruar, aq më tepër në komunikimin publik.

Por meqë ministres i intereson dikasteri i saj, i bëjmë me dije që të ka ardhur koha të marrë parasysh shkarkimin për këdo nga shefat e pavionëve të cilët tejkalojnë shkeljet etike, ata të cilët i blejnë postet e punës.

Ministrja e nderuar duhet të shohë përtej opinionit publik të facebook…a e di Ogerta se sa miliona kalojnë nën dorë tek maternitet e Tiranës, sa miliona paguhen për operacionet, sa bakshish duan mjekët në Spitalin e Traumës.

Kjo është më e rëndë se etika në rrjetet sociale!

Znj.ministre pyet prindërit e fëmijëve të porsalindur sa paguajnë në maternetit, vlera mbi 300-400 mijë lekë.
Pyet shefat e tu të pavionëve në QSUT, pyet tek kardiologjia sa 3500€ duan për operacion.
Pyet znj. Ministre tek Spitali Traumës sa duhet të paguash për shërbimin, madje ka raste kur stë prekin as me dorë.

Mos i moho!
Ti e di shumë mirë madje dhe drejtorët e tu… QSUT sot bën marrëveshje për pacientët në spitalet private, madje madje dhe për agjensit funerale.

E të mos vazhdojmë më tej tek mjekët që vendosin dhënien e kempit për të sëmurët, kemp i cili jepet më së shumti për persona të shëndetshëm që japin paraprakisht “kafen”.

Ministria e Shëndetësisë dhe Mirëqenies Sociale është padyshim një nga ministritë më të përfolura për abuzimet dhe korrupsionin. Këto abuzime nuk i bën më pak të dukshme shkarkimi i Aurelit, që në fund të ditës administron profilin dhe Facebook-un e tij personal! /Redaksia Gazeta Ora

SPONZORIZIM: Për shpallje të vogla që nga viti 2000, vizitoni www.SHPALLJE.biz