Shpallje

Ka mjaftuar një ditë me shi dhe Tirana është paralizuar nga trafiku. Sot gjatë gjithë ditës, rrugët e Tiranës kanë qënë të ngarkuara nga trafiku i makinave për shkak të motit te keq.

Edhe pse policia rrugore mori masa për të përmirësuar trafikun, rezultatet ishin të pakta për shkak të bllokimit të disa akseve rrugore.

Këto fotografi që shikoni, janë dërguar në redaksinë e Gazeta-Ora ku duket shefi i trafikut në Drejtorinë e Policisë Rrugore, i cili ka marrë frerët e qarkullimit rrugor në dorë.

Taulant Gjoka, ka dalë nga mjeti i tij, në mes të shiut dhe është munduar që të hapë akset rrugore.

Fotografitë janë realizuar tek rruga e Elbasanit, ku shefi i policisë, i shoqëruar nga dy efektivë të tjerë, ka dalë në rrugë me qëllim reduktimin e trafikut.