Shpallje

Kreu i Partisë Demokratike, Lulzim Basha, ka vendosur që të startojë një tur të ri, të quajtur ‘turi i shpresës’ ku do të përfshihen vizita në 12 qarqet e vendit, për tu takuar me qytetarët që janë kundër qeverisë së Edi Ramës.

Sipas zyrës së shtypit të selisë blu, takimin e parë, Basha do ta nisë në Elbasan, duke vijuar më tej edhe në qytetet e tjera.

‘Rrugëtimi për Shqipërinë’ do të jetë një pikë takimi mes demokratëve që janë jashtë parlamentit dhe mbështetësve të tyre për tu bahskuar kundër qeverisjes së majtë të Ramës.

I gjithë muaji nëntor do ti dedikohet asaj që selia blu e quan “turi i shpresës”, ndërsa Basha do të takojë qytetarët në vend për ti dëgjuar ata dhe për t’iu ofruar alternativën e Partisë Demokratike.

Pas 12 qarqeve, ky tur do të mbyllet në Greqi, ku Basha do të bisedojë me shqiparët që jetojnë atje.

Kjo nismë, sipas PD-së, do të jetë një përgatitje për zgjedhjet e reja, ku sipas opozitës duhen patjetër të zhvillohen ato të parakohshme për shkak të rrënimit ekonomik të vendit si pasojë e keqqeverisjes së Ramës.

SPONZORIZIM: Për shpallje të vogla që nga viti 2000, vizitoni www.SHPALLJE.biz