Shpallje

Turqia është Kombëtarja e radhës që ka prekur finalet e Europianit.

Edhe pse ka ngelur edhe 1 ndeshje, në grupin H,  ku bën pjesë edhe Shqipëria, turqit janë kualifikuar edhe matematikisht.

Në stadiumin “Turk Telekom” të Stambollit, turqit nuk shkuan më shumë se një barazim pa gola ndaj Islandës, që ishte edhe rivali direkt për kualifikim, por kishte nevojë për 3 pikë sonte.

Skuadra e drejtuar nga Senol Gunes nuk u la asnjë mundësi islandezëve dhe i shkoi disa herë pranë golit, ndërsa në fund festoi edhe pa shënua, pasi ruajti distancën prej 4 pikësh me Islandën, duke siguruar matematikisht kualifikimin.

Aktualisht Turqia mban vendin e parë në grup me 20 pikë, por mund të parakalohet nga Franca, që ka 19 pikë dhe do të luajë sonte me Moldavinë, ku fitorja pritet të jetë formalitet.

SPONZORIZIM: Për shpallje të vogla që nga viti 2000, vizitoni www.SHPALLJE.biz