Strategjia e një bande shqiptaro-italiane për të fshehur në një pyll të Toskanës  kokainë me vlerë 22 mijë dollarë u shkatërrua nga derrat e egër.

Sipas mediave të huaja, policia vendosi një sistem përgjim mbi anëtarët e bandës, e cila përbëhej nga tre shqiptarë dhe një italian.

Nëpërmjet telefonit, ata dëgjuan një person që ankohej për dëmin e shkaktuar nga derrat.

Katër të dyshuarit  u arrestuan dhe u vendos që dy pjesëtarë të rrnin në burg dhe dy nën arrest shtëpiak. Banda u vu nën ëmendjen e policisë gjatë një hetimi për vrasjen e një shqiptari 21-vjeçar në maj të vitit të kaluar.

Njësia e drogës ishte fshehur në një zonë pyjore në luginën Valdichiana të Toskanës.  Gjithashtu sipas policisë një prej anëtarëve të bandës dyshohet se shpërndante drogë përmes një klubi të natës në Arezzo.

Të dyshuarit tregtonin afërsisht dy kilogramë që përkatësisht 4,4 paund kokainë çdo muaj. Një gram kokainë shkonte në vlerën 90 ose 120 dollarë për gram. Një numër i panjohur derrash gërmuan dhe shkatërruan paketimet e drogës, duke e shpërndarë në pyll.

Banorët e zonës janë ankuar për numrin e rritur të derrave në Itali kohët e fundit, të cilët prishin e gërmojnë vend e pavend tokat.

SPONZORIZIM: Për shpallje të vogla që nga viti 2000, vizitoni www.SHPALLJE.biz