300-350 milione dollare cdo vit.

Në një deklaratë për shtyp Arben Ahmetaj foli për sa i përket punës së Komitetit Rindërtues, dhe bëri me dije se procesi është i ndarë në disa faza. Ahmetaj tregoi se faza e parë konsiston në pastrimin e territorit nga inertet dhe spostimin e tyre në Porto Romano.

” Faza e dytë që fillon menjëhere në 1 Janar, ka të bëjë me bonusin e strehimit për qytetarët që nuk kthehen dot në shtëpitë e tyre apo apartamentet e tyre, për shkak të dëmtimit në atë masë ku banesat janë të pabanueshme, ndërsa për pjesën rurale do të ofrojmë përveç bonuseve edhe shtëpi ekologjike, të cilat sigurisht janë strehim i përkohshëm dhe objektivi afatgjatë i qeverisë, i Kryeministrit, është ndërtimi i 10.000 (dhjetë mijë) apartamenteve në qyteza urbane, specifike, të veçanta.

Dua të theksoj që pjesë e hapit të parë të rindërtimit është jo vetëm pastrimi i inerteve, është edhe rrëzimi i atyre pallateve, të cilat tani mund të përbëjnë rrezikshmëri për qytetarët që kalojnë pranë, apo që dita i sjell të kenë të bëjnë me territore afër këtyre ndërtesave. Ky është pak a shumë le të themi plani në përgjithësi, institucione, emergjenca dhe ministri Çuçi është 24 orë në punë. Janë dy le të themi koordinime të ndryshme, ajo që bën Ministri Çuçi me stafin e vetë të emergjencës ka të bëjë me emergjencën menjëhere pas tërmetit, ndërsa rindërtimi është patjetër më afatgjatë, le të themi që është shumë më i detajuar, ka edhe domosdoshmërinë e vlerësimit paraprak, vlerësimit final dhe të adresimit të kostove” – tha Ahmetaj.

SPONZORIZIM: Për shpallje të vogla që nga viti 2000, vizitoni www.SHPALLJE.biz