Kryeministri Rama u ka bërë sërish thirrje publike gjithë ndërtuesve, që të bëhen pjesë e projekteve të rindërtimit të banesave duke mos nxjerrë asnjë justifikim.

“Asnjë nga ndërtuesit nuk duhet të gënjëjnë veten që do ta kalojnë këtë këtë proces pa u lagur”, u shpreh Rama.

Pas takimit që kishte dje me banorët e Durrësit, Rama ka bërë me dije edhe disa nga justifikimet që kanë disa prej ndërtuesve.

“Disa prej tyre më kanë çuar mesazhe pas takimit që zhvillova mbrëmë në Durrës duke nxjerrë lloj-lloj bishtash, apo arsyetimesh, por më ka bërë përshtypje arsyetimi që ne jemi të falimentuar të shesin shtëpitë e tyre të shesin pasuritë e tyre dhe të marrin marrin kredi apo çfarë të duan, apo të vënë kolateral ca kanë, sepse besoj që fund të ditës, liria është më e shtrenjtë se pasuria. Po qese nuk reagojnë me humanizëm dhe me përgjegjshmëri do ti humbin të dyja”.

Ndër të tjera kryeministri theksoi se të gjitha riparimet do të zhvillohen nën mbykëqyrjen e rreptë të ekspertizës së institutit të ndërtimit.

“Dje ju kam kërkuar ndërtuesve të këtyre godinave, investitorëve që të përfshihen menjëherë në projektet e riparimit. Po ashtu nga na  tjetër, zoti Shkreli së bashku me drejtorin dhe stafin e Institutit të ndërtimit është impenjuar që në një kohë rekord të përgatisë standarded e riparimit, godinë për godinë, kriteret teknike dhe të garantojë që të gjitha riparimet të zhvillohen nën mbykëqyrjen e rreptë të ekspertizës së institutit të ndërtimit”.S.O

SPONZORIZIM: Për shpallje të vogla që nga viti 2000, vizitoni www.SHPALLJE.biz