Japan's Prime Minister Shinzo Abe waits for a meeting with US President Donald Trump at the Palace Hotel during the 72nd United Nations General Assembly September 21, 2017 in New York City. / AFP PHOTO / Brendan Smialowski

Japonia është gjetur mes dy vendesh në konfliktin mes SHBA-ve dhe Iranit.Nga njëra anë është aleate e Amerikës, por ka marrëdhënie dhe interesa edhe me Iranin.

Në një vizitë në Lindjen e Mesme, Kryeministri japonez Shinzo Abe duke shpresuar në uljen e tensioneve të shkaktuara pas vrasjes së gjeneralit të lartë Qassem Soleimani, ka paralajmëruar se konfrontimi ushtarak me Iranin do të dëmtojë paqen dhe stabilitetin në të gjithë botën.

Komentet e Abe erdhën në fillim të një turneu pesë ditor që ai po zhvillon në Gjirin Persik.

“Çdo  konfrontim ushtarak në rajon që përfshin një vend si Irani do të ketë një efekt jo vetëm në paqen dhe stabilitetin në rajon, por paqen dhe stabilitetin e të gjithë botës”, tha Abe, sipas Ohtaka.

Ai gjithashtu u bëri thirrje “të gjitha vendeve përkatëse të angazhohen në përpjekjet diplomatike për të qetësuar tensionet”, shtoi Ohtaka.

Zëdhënësi tha që të dy udhëheqësit ranë dakord për të punuar ngushtë për sigurinë detare në rajon dhe diskutuan mbi vendimin e Tokios për dërgimin e një shkatërruesi për aktivitetet e inteligjencës së bashku me dy avionët patrullues P-3C në Lindjen e Mesme.

Por gjithsesi Japonia ka thënë se nuk do t’I bashkohet një koalicion të mundshëmi të udhëhequr nga SHBA në rajon.

Linja që ka ndjekur Tokio ka qenë neutrale, duke gjetur balancat mes aleancës me Uashingtonin dhe marrëdhënieve dhe interesave të tij me Teheranin.

Abe theksoi rëndësinë e furnizimit të vazhdueshëm dhe të qëndrueshëm të Japonisë me naftë saudite.

SPONZORIZIM: Për shpallje të vogla që nga viti 2000, vizitoni www.SHPALLJE.biz