Greqi/ Shenohen 8 viktima nga gripi brenda një jave

    Tetë persona kanë ndërruar jetë brenda një jave si rezultat i ndërlikimeve të infeksioneve që vijnë nga gripi në shtetin fqinj Greqi. Agjencia Kombëtare e Shëndetit Publik Grek (EODY) tha të enjten se aktualisht janë 24 persona të shtruar në spital në Njësitë e Kujdesit Intensiv.

    Infeksionet e gripit pritet të rriten gjatë javëve të ardhshme, paralajmëron Agjencia, duke u kërkuar qytetarëve të kryejnë vaksinimin.

    Tetë personat që ndërruan jetë përveç gripit kishin probleme të tjera shëndetësore.

    Shumica dërrmuese e të infektuarve nuk ishin vaksinuar.

    Stafi shkencor i EODY tregon se aktiviteti i sëmundjes do të vazhdojë në vend në javët në vazhdim, me rritjen e qarkullimit të virusit siç ndodh çdo vit deri në mes të marsit.