Ndiheni të lodhur edhe kur keni fletur mjaftueshëm? Ja cilat janë arsyet

Ndonjëherë, edhe pse mund të keni fletur mirë, trupi juaj ndihet I lodhur dhe ka nevojë për pushim. Mungesa e gjumit nuk është gjithmonë ajo që e shkakton plogështinë. Mënyra si jetoni dhe ushqeheni ka të bëjë shumë me këtë gjendje të padëshiruar. Prandaj, shikoni çfarë mund të bëni ndryshe:

Mungesa e hekurit

Qelizat tuaja kanë nevojë për oksigjen për të mirëfunksionuar. Në këtë pikë, një lëndë ushqyese jetike për trupin është hekuri, minerali që transmeton oksigjenin në qelizat e gjakut. Mungesa e këtij minerali bën që qelizat të përballen me mungëse oksigjeni e kësisoj të hasni probleme me përqendrimin e jo vetëm.

Konsumimi i pamjaftueshëm i ujit

Nuk ka dyshim se uji është jetik për çdo organ e sistem të trupit. Në të vërtetë, kjo molekulë merr pjesë në çdo funksion e luan një rol të rëndësishëm në mbajtjen në nivele optimale të energjisë suaj. Nëse jeni të dehidratuar, lëndët ushqyese dhe oksigjeni nuk pompohen me efikasitet nga zemra për shkak të mungesës së vëllimit të gjakut. Përfundimisht, kjo rezulton në lodhje e jo vetëm.

Jeta sedentare

Nëse nuk doni të ndiheni të plogësht e të pafuqishëm, thjesht ngrihuni dhe vendosni trupin tuaj lëvizje. Bëni ushtrime kardiovaskulare siç janë ecja e shpejtë dhe vrapimi të paktën tre herë në javë për të rritur nivelet e energjisë suaj.

Kushtojini kohë vetes e në ditët e pushimit tregohuni të zgjuar kur të thoni “PO” dhe “JO” ! Ndoshta duhet të riktheni pak ekuilibër në jetën tuaj.