Trafikonin kokainë nga Holanda në Francë, gjykata dënon bandën shqiptare

    Është zhvilluar në dy ditë seanca gjyqësore për një bandë shqiptare që trafikonte heroinë dhe kokainë nga Holanda në Francë.

    Kanë qenë 11 të pandehurit që akuzoheshin për, blerje dhe trafik të lëndëve narkotike, si dhe për pjesëmarrje në një organizatë kriminale. Rrjeti i trafikantëve të drogës të moshës 19-33 vjeç u dënuan nga 1 deri në 9 vite burg.

    Në fund të seancës të gjithë u mbajtën në paraburgim. Dënimi më I rëndë u caktuar për një prej të akuzuarve që mungonte gjatë gjyqit dhe është shpallur në kërkim, atij iu vendos gjobë 100 000 euro.

    Rrjeti i trafikut të drogës ka funksionuar rreth 1 vit midis Marsit 2018 dhe Shkurtit 2019 në Annecy, Cran-Gevrier, Rumilly, Annemasse, Gaillard, Viry në Haute-Savoie. Bandat u arrestua më 15 shkurt 2019.

    Policia franceze kreu atë ditë kontrolle të rrepta, duke arrestuar gjithsej 9 persona të dyshuar, të gjithë shqiptarë. Hetuesit kapen 1.1 kilogramë heroinë të pastër, e cila, kur u kontrollua në mënyrë të rregullt, vlente në treg rreth 80,000 euro.

    Veç kësaj, u gjet edhe heroinë e cila kapte vlerën 40 mijë euro nëse shitej në treg. Bandës gjithashtu iu gjetën para të gatshme që shkonin në 17,400 euro.