Tenori i famshëm me koronavirus: Për momentin jam mirë, kisha simptoma si kollë dhe temperaturë

Tenori i famshëm spanjoll, Placido Dmingo ka rezultuar pozitiv me koronavirus. Lajmin e bëri ai vetë të ditur nëpërmjet një postimi në adresën e tij në Facebook.

‘E ndjej si një detyrë morale t’ju njoftoj që kam rezultuar pozitiv me koronavirusin. Unë dhe familja ime do të qëndrojmë në vetëizolim për të gjithë periudhën e nevojshme mjekësore. Aktualisht jemi të gjithë mirë, por unë kam pasur simptoma si temperaturë dhe kollë dhe vendosa të bëj testin dhe dola pozitiv’,shkruan Domingo.

Spanja është vendi i dytë më i prekur nga koronavirusi në Europë pas Italisë, me gati 30 mijë të infektuar dhe thuajse 2 mijë viktima.