“Çmendet” presidenti i Brazilit: Koronavirusi është vetëm një fantazi, një grip i lehtë

Bota po përballet me një situatë mjaft kritike shkaktuar nga pandemia e koronavirusit, por ka ende njerëz që nuk e marrin seriozisht.

Presidenti i Brazilit, Jair Bolsonaro ka thënë në një fjalim drejtuar kombit se jeta duhet të vazhdojë e të ruhen vendet e punës.

Madje Bolsonaro shkoi edhe më tej duke u kërkuar kryetarëve të bashkive dhe qeveritarëve të shtetit që të tërhiqnin masat e bllokimit.

“Ne duhet të kthehemi në normalitet”, tha ai.

Kritikat ndaj Bolsonaros nuk kanë munguar pasi ai e ka quajturshpesh pandeminë e koronavirusit si një “fantazi” dhe një “grip të lehtë”, pavarësisht se deri më tani janë infektuar rreth 400 mijë njerëz në gjithë botën dhe dhjetëra mijëra të tjerë kanë gjetur vdekjen.

Gjatë kësaj periudhe, sondazhet tregojnë se popullariteti i Bolsonaros po zvogëlohet.

Ai tha se situata e tmerrshme në Itali nuk do të përsëritet në Brazil për shkak të popullsisë më të re të vendit të Amerikës Latine dhe klimës më të ngrohtë.

Në Brazil janë konfirmuar të paktën 2271 raste me COVID-19, ndërsa 47 persona kanë humbur jetën.