Mesazhi i fortë i infermieres në letrën drejtuar Contes: E dini Zoti Conte, unë nuk shkoj në tualet gjatë turneve…

Letra e një infermiereje italiane drejtuar kryeministrit Conte ka bërë xhiron e rrjetit. Ajo shkruan se gjatë turneve nuk shkon në tualet, pasi për një gabim të saj, për shkak të lodhje, mungesës së gjumit e ushqimit, mund të infektohet e të infektojë të tjerë.

LETRA E INFERMIERES:
E dini Zoti kryeministër Conte, unë gjatë turneve të mia nuk shkoj në tualet sepse kam frikë që me një gjest të gabuar të shkaktuar nga lodhja e punës e mungesa e ujit dhe ushqimit, unë mund të infektohem e të infektoj edhe të tjerë. Dhe ndonjëherë më shpëton ndonjë pikë urine në mbathje por gjithsesi qëndroj në këmbë të bëj punën time dhe nuk dorëzohem.

E dini Zoti kryeministër Conte, gjatë turneve të mia mbaj dhe përdor veshjen DPI sepse pavarësisht së të lëndon, kam frikë që vetëm duke spostuar syzet apo maskën ose duke hequr palen e parë të dorezave shkakton dhimbje të padurueshme në fytyrë dhe në duar, unë mund të infektohem dhe të infektoj njerëz të tjerë të këtij shteti. Dhe atëherë ndodh që më kapin momente dëshpërimi dhe më mbushen sytë me lot…