Një 57-vjeçar është vrarë me thikë nga fqinji i tij. Ngjarja e rëndë ka ndodhur në fshatin Ploç të Vlorës rreth orës 20:30 të mbrëmjes së sotme (3 tetor).
Sipas policisë vrasja ndodhi pas një konflikti për motive të dobëta.
“Dyshohet se shtetasi Mystehak Selimaj, 54 vjeç, ka goditur me mjet prerës “thikë” shtetasin I.K., rreth 57 vjeç, i cili është dërguar në spitalin rajonal në gjendje të rëndë shëndetësore dhe ka ndërruar jetë disa minuta më vonë në spital.Policia ka bërë kapjen dhe arrestimin në flagrancë të shtetasit Mystehak Selimi, si autorin e dyshuar në lidhje me ngjarjen”, sqaron policia.