E premte, 22 Janar, 2021

Edhe “Super Viva” mashtroi konsumatorët me çmime, por ja çka i ndodhi

Duhet të lexoni

200 kompanitë me fitime më të mëdha; Lulëzimi i koncesioneve

Shqipëria është vendi më bujqësor në rajon dhe ka avantazh në krahun e lirë të fuqisë punëtore (me pagën...

Xharra Group është kompania e parë kosovare që shtrin aktivitetin biznesor në Shtetet e Bashkuara të Amerikës

Izoline e cila eshte ne pronesi te Xharra Group, eshte fabrika e pare nga Kosova e cila perveç se...

Nisin fluturimet e para, nga 15 qershori me Austrinë dhe më pas me Turqinë

Pavarësisht se këtë verë po kërkohet që pushimet të bëhen Brenda vendit, operatorët I kanë sytë nga turistët e...
GazetaOra.com është platformë informative e pavarur dhe e saktë. Për të mundësuar vazhdimin e punës tonë, për të ju informuar shpejtë, saktë dhe paanshëm, na duhet ndihma juaj me donacion. Ndihma juaj do të lehtësonte ekzistencën e kësaj ore të pavarur në dorën tuaj. Paraprakisht ju falenderojmë.

Për të dhuruar donacion, ju lutemi klikoni "Donate" mëposhtë:

Blerjet në hipermarketet e Kosovës po dalin të jenë mashtrim për konsumatorët, të cilëve nëpër rafte të produkteve u ekspozohet një tjetër çmim, por kur shkojnë te arka paguajnë tjetër çmim. Normalisht çmimi tek arka është më i shtrenjtë. E për këtë Inspektorati i Tregut ka gjobitur tri rrjetet më të mëdha të marketeve në Kosovë, ‘ETC’, ‘Viva Fresh Store’ dhe tash së fundi një gjobë të tillë ka marr edhe ‘Super Viva’.

Çmimet e prezantuara afër produkteve që janë te vendosura në hipermarketet e mëdha kosovare po dalin të jenë jo të vërteta. Çmimi i prezantuar pranë disa produkteve është më i lirë sesa në fakt paguhet tek arka.

Deri tani është gjetur një seri prej së paku tre marketeve të mëdha në Kosovë që tashmë janë dënuar për mashtrim të konsumtarit. Ata mashtrojnë në çmime përkundër faktit se të hyrat e tyre janë multimilionëshe pikërisht nga paratë e konsumatorëve.

Kësisoj dënimet e shtetit prej 1 mijë deri në 2 mijë ndaj tyre janë të ulëta krahasuar me të hyrat e mëdha që realizojnë këto markete.

Një prej tyre që së fundmi është dënuar edhe Mustafë Rexhepi, drejtor i subjektit afarist “Super Viva” me njësinë në Prizren në rrugën “William Walker”. Biznesi i tij ka të hyra milionëshe. Por është gjobitur me 2 mijë euro për shkak se ka mashtruar konsumatorët duke vendosur për disa produkte tjetër çmim në raft dhe tjetër çmim tek arka e marketit, shkruan Insajderi.

Vendimin për gjobitje të “Super Vivës”, e ka marr Inspektorati i Tregut që funksionin në kuadër të Ministrisë së Tregtisë, më 29 dhjetor të vitit 2017.

Inspektorati i Tregut ka gjetur se dy produkte ushqimore: “Margarinë Vital” dhe “Margarinë Zvijezda”, nuk kanë pasur çmimin e njëjtë si atë të raftit dhe të pagesës.

“Margarinë Vital”, kishte çmimin 0.40 euro në raft, por konsumatorët janë mashtruar tek arka, ata janë detyruar që të paguajnë çmimin e këtij produkti në vlerë prej 0.42 euro.

Ndërkaq për produktin tjetër, “Margarinë Zvijezda”, konsumatorët e “Super Vivës”, në Prizren, kanë paguar 0.47 euro për këtë produkt edhe pse ai kishte të vendosur në raft çmimin 0.42 euro. Në arkën fiskale konsumatorët kanë paguar 0.05 euro më shumë.

Përveç këtij mashtrimi që ka bërë “Super Viva” me çmime të produkteve ata kanë mashtruar konsumatorët duke përdorur dy peshore të cilave ju ka skaduar afati më 3 mars të viti 2017.

“Prandaj një veprim i tillë është në kundërshtim neni 9. Paragrafi 3 të Ligjit Nr, 04/L-121 ‘Për Mbrojtjen e Konsumatorit’ 76 pika 1.11 e të po të njëjtit ligj”, thuhet në arsyetimin e Inspektoratit të Tregut, të cilin e ka siguruar Insajderi.

Për këto veprime “Super Viva”, është e detyruar që ta paguaj shumën në vlerë prej 2 mijë eurove brenda tetë ditëve prej datës kur e ka pranuar aktvendimin.

Insajderi i ka dërguar pyetje “Super Vivës”, javën e kaluar lidhur me këtë çështje, por gazeta nuk ka marrë përgjigje.

Veprimet e paligjshme të hipermarketeve tjera

Me një mijë euro (1,000) gjobë është dënuar kompania “ELKOS Group”, pasi mashtroi konsumatorët dhe dëmtoi ata financiarisht. Kompania që është në pronësi të deputetit Ramiz Kelmendi është dënuar për mashtrimin që ka realizuar njëri nga marketet në pronësi të saj, “ETC” në Lipjan.

Inspektorati i Tregut ka gjetur se dy lloje produkteve të marketit “ETC” në Lipjan, kanë pasur mospërputhje mes çmimeve të ekspozuara në rafte, me çmimet e të njëjtave produkte tek arka e marketit.

Kaçkavalli “Triolino Prima” kishte çmimin 0.69 euro në raft, por klientët janë mashtruar tek arka, kur janë detyruar të paguajnë çmimin e këtij produkti të djathit në vlerë prej 0.75 euro. Konsumatorët kanë paguar 6 cent më shumë, se sa çmimi i paraqitur në raft.

Ndërkaq, konsumatorët e marketit të “ETC” në Lipjan, kanë paguar 4 euro e 99 cent për produktin e qajit “Gold Emona”, edhe pse ky produkt kishte të vendosur çmimin prej 4 euro e 75 centëve në raft. Në arkën fiskale konsumatorët kanë paguar 0.24 euro më shumë për qajin “Emona”.

Vendimin për gjobitje të “ELKOS Group” e ka marrë Inspektorati i Tregut që funksionon në kuadër të Ministrisë së Tregtisë, më 10 janar të këtij viti.

Po ashtu edhe hipermarketi, “Viva Fresh” pronë e Xhevdet Rexhepi i cili ka miliona të hyra vjetore nuk i ka mjaftuar që t’i mashtroj konsumatorët e tij.

Inspektorati i Tregut ka gjetur se dy lloje të produkteve të marketit “Viva Fresh”, në Prishtinë, kanë pasur mospërputhje mes çmimeve të ekspozuara në rafte, me çmimet e të njëjtave produkte tek arka e marketit.

“Shllag krem i bardh” kishte çmimin 0.48 euro në raft, por klientët janë mashtruar tek arka, kur janë detyruar të paguajnë çmimin e këtij produkti në vlerë prej 0.55 euro. Konsumatorët kanë paguar 7 cent më shumë, se sa çmimi i paraqitur në raft.

Ndërsa për produktin tjetër konsumatorët kanë paguar 0.75 euro.“Vafer Pleasura” edhe pse kishte të vendosur çmimin prej 0.69 euro në raft. Në arkën fiskale konsumatorët kanë paguar 6 cent ma shumë.

Kjo kompani, është e detyruar që shumën në vlerë prej 1 mijë eurove ta paguajë brenda tetë ditëve prej datës kur e ka pranuar aktvendimin.

Gjobat nga Ministria e Tregtisë dhe reagimi i “Konsumatorit”

Ministria e Tregtisë dhe Industrisë ka thënë për Insajderin se deri më tani ka shqiptuar 19 gjoba ndaj bizneseve të cilat kanë mashtruar klientët e tyre me çmime.

“Inspektorati i Tregut i MTI-së është njëri prej faktorëve kyç në mbrojtjen e konsumatorëve, kështu që inspektorët qendrorë të MTI-së në periudhën e fundit kanë shqiptuar 19 gjoba”, ka thënë MTI për Insajderin.

Ministria nuk ka dashur të jap detaje, teksa ka thënë se “Inspektorati është i obliguar që t’i ruajë të dhënat dhe informatat sipas parimit të besueshmërisë dhe vetëm atëherë kur ekziston të rreziku serioz për jetën dhe shëndetin e njerëzve”.

Po ashtu edhe Selatin Kaçaniku, Kryetar i Organizatës “Konsumatori”, ka thënë se shumë markete në Kosovë po vazhdojnë me mashtrimet me çmimet e dyfishta.

“Përkundër ankesave të shumta të qytetarit konsumator dhe të Org. KONSUMATORI shumë markete vazhdojnë mashtrimet me çmimet e dyfishta. Qytetarët konsumatorë të pavëmendshëm po e paguajnë shtrenjtë shopingun”, ka thënë Selatin Kaçaniku”, ka thënë ai.

Kaçaniku ka bërë thirrje për qytetarët që të kenë vëmendje dhe ti verifikojnë produktet të cilat i blejnë e pastaj t’i blejnë.

“Qytetarët po bien pre e reklamave mashtruese, po mashtrohen me aksione e fushata. Edhe ashtu shumica e çmimeve janë më të larta se të njëjtat, edhe më cilësore, në shtetet e BE-së.

Kujdes, mos i besoni askujt. Fillimisht verifikoni, pastaj sfidoni besimin,e në fund shikoni se si do t ia bëni”, ka thënë ai.

PËRGJIGJU

Ju lutemi shkruani komentin tuaj!
Ju lutemi shkruani emrin tuaj këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Më të rejat

Sondazhi i GADC: 78.8% e vajzave dhe grave të larguara nga puna në fasoneri pa asnjë ndihmë ekonomike

Ditën e djeshme është mbajtur tryeza e diskutimit mbi të drejtat e punës së grave dhe vajzave në industrinë...

Përse shpikësi i viagrës, Ferid Murati, është bërë anëtar i Akademisë së Shkencave të Shqipërisë? Përgjigja epike e Skënder Gjinushit

Ferdi Murati është një shqiptaro-amerikan nga më të njohurit nëbotë. Ai është fitues i çmimit Nobel në Mjekësi në vitin 1998 për shpikjen e...

MËRGATË, A I KENI GADIT ZARFAT!?

Shkruan:Refiqe R. Hamiti Shoqja ime Arife Sheholli sot më tha se janë "çart shqiptart në Amerikë"! Aq shumë janë mobilizue djemt e vajzat tona atje, sa...

20 vite që përmbytej, ‘Shaban Bardhoshi’ rruga e Kombinatit merr zgjidhje. Investimi e kthen në normalitet

Nga Marjon Gorica ‘Shaban Bardhoshi’ deri pak kohë më parë ishte një nga rrugët më problematike të Tiranës, ku përgjatë së cilës ndodhet një kanal...

SHKËMBIMI I TERITOREVE DHE LUGINA E PRESHEVËS

Almin Shaqiri, Msc Integrime Evropiane, ligjerues në kolegjin Universum Prishtinë Abstrakt Në tryezën e bisedimeve mes Kosovës dhe Serbisë, nuk ështëpërjashtuar as korigjimi i kufijve aktual,...

Më shumë artikuj të ngjajshëm