E hënë, 6 Korrik, 2020

Kur Kosovën duan ta bëjnë copë, në këtë kohë pandemie

Duhet të lexoni

Sa miliona Euro kanë sot çlirimtarët e Kosovës

Disa djem të ri, të fortë, të sigurtë në mendësi, iu bashkuan luftës çlirimtare në vitet e 90-ta të...

Trondit Ministria e Shëndetësisë: Rriten rastet pozitive në 24 orë, shtrihet shpërndarja e virusit

Sipas Ministrisë së Shëndetësisë janë konfirmuar 64 raste të reja me koronavirus në vendin tonë, gjatë 24 orëve të...

Akuzat ndaj Thaçit dhe Veselit, Rama viziton sot Kosovën

Kryeministri Rama do të zhvillojë ditën e sotme në Kosovë një sërë takimesh. Këto takime do të vijnë pas...
GazetaOra.com është platformë informative e pavarur dhe e saktë. Për të mundësuar vazhdimin e punës tonë, për të ju informuar shpejtë, saktë dhe paanshëm, na duhet ndihma juaj me donacion. Ndihma juaj do të lehtësonte ekzistencën e kësaj ore të pavarur në dorën tuaj. Paraprakisht ju falenderojmë.

Për të dhuruar donacion, ju lutemi klikoni "Donate" mëposhtë:

Nga Dr. Teuta Nunaj

Pedagoge

Kryetari i LDK-së ka inicuar një mocion mosbesimi ndaj Qeverisë Kurti në Kosovë. Them kryetari, pasi jo e gjithë kryesia e LDK-së dhe me të drejtë, janë pro këtij mocioni. Arsyet e paarsyeshme të këtij mocioni janë cilësuar dy, të cilat po i faturohen si shkelje Kryeministrit Kurti: (i) mosheqja e plotë e tarifës doganore me Serbinë, gjë e cila po shkakton “prishje” të marrëdhënieve speciale të Kosovës me SHBA-në; dhe (ii) shkarkimi i Ministrit Veliu. Nuk po merrem me “arsyet” e pretenduara nga Kryetari Mustafa, pasi nuk është ky qëllimi i shkrimit, por po përpiqem të analizojë kohën e papërshtatshme në të cilën po ngrihet ky mocion:

  1. Qeveria Kurti është një qeveri legjitime, nuk ka mbushur ende 100 ditë dhe i duhet dhënë koha e mjaftueshme dhe e duhur që të marri vendime, që vendimet e saj të japin efekt dhe këto efekte të mund të analizohen për të kuptuar rezultatet e tyre, nëse ishin të dobishme apo të dëmshme.
  2. Aktualisht Kosova si pjesë e botës ku po vepron pandemia nga vurusi korona ka domosdoshmërinë jetike, që e gjithë vëmendja e qeverisë së saj dhe e kujdo instance apo individi, kushdo qoftë ai, të jetë për të ndihmuar popullatën e Kosovës nga sulmi i padukshëm i virusit, dhe jo për të vepruar dhe për t’u mbrojtur nga llogaritjet politike.
  3. Interesi për të mirën e Kosovës duhet të prevalojë interesin e çdo politikani, të cilët për të mbrojtur veten, flasin e flasin pa rreshtur në emër të popullatës së Kosovës.
  4. Situata e korona virusit është serioze dhe për politikën në Kosovë, si kudo në botë kërkohet solidaritet njerëzor, kalimin në plan të parë i mbrojtjes së popullatës dhe jo mbrojtja e favoreve personale të personave që kanë pushtet politik dhe jo vetëm.
  5. Kriza politike në Kosovë ka potencial të rrisi dëmet ekonomike, sociale e kulturore në vend, të cilat janë cënuar në këtë periudhë izolimi nga virusi korona, por mund të sjellë edhe më shumë shkatërrim, nëse lufta politike do të zhvendoset në plan të parë.
  6. Destabiliteti i qeverisë së Kosovës, paqëndryeshmëria politike në këtë periudhë pandemie, dëmton rëndë integritetin e shtetit të Kosovës në raportet rajonale e më gjerë.
  7. Lufta politike po zhvillohet në kohën më të papërshtashme dhe lënia e Kosovës pa Qeveri në këtë kohë pandemie është vrastare për shqiptarët e Kosovës, por edhe për shqiptarët në Serbi, sepse zvogëlon mbështetjen dhe ndihmën ndaj tyre.
  8. Kosova një shtet i ti, me demokraci në konsolidim me institucione ende të paforcura dhe në këtë situatë emergjente nga pandemia, nuk e ka luksin të jetë e destabilizur.
  9. Qeveria e Kosovës sot ka nevojë për mbështetje më shumë se kurrë, por nesër, kur kjo situatë të kalojë, atëherë po, mund ta bësh copë dhe ta rrëzosh me të gjitha mjetet ligjore, gjithnjë nëse ky vendim është në të mirë të Kosovës dhe jo të disa individëve politikanë.
  10. Situata është përtej normales, që i kapërcen kufijtë e zakonshëm dhe populli i Kosovës ka nevojë më shumë se kurrë për stabilitet politik, për një qeveri që të udhëheqë popullin dhe të dëgjohet, për një klasë politikanësh që të punojë totalisht për ta, jo vetëm për vete.

Ndaj inicimi i mocionit ndaj Qeverisë Kurti është pabesi që i bëhet popullit të Kosovës; është largim i vëmendjes nga problemet më themelore që ka shteti më i ri në Evropë; është luftë e pastër politike për interesa vetjakë dhe jo për shqiptarët në Kosovë apo jashtë saj. Në këtë situatë lufte të padukshme me virusin, mocioni kthehet në një absurd dhe vetëm do e copëtojë dhe do e dëmtojë edhe më shumë Kosovën dhe banorët e saj.

Sot, nuk është koha për të kryqëzuar Qeverinë Kurti, apo këdo qeveri tjetër po të ishte në vend të saj. Çdo largim vëmendje nga lufta ndaj virusit, është një largim vëmendje e drejtpërdrejtë nga mbrojtja e popullatës. Politikanët në Kosovë kanë kohën më të mirë që të tregojnë qoftë një herë të vetme se mendojnë për Kosovën më shumë se për interesin e tyre politik, është koha për bashkëpunim mes tyre dhe ata nuk duhet të keqpërdorin besimin dhe votën e qytetarëve. Ndryshe, historia do t’i gjykojë, por urojmë të mos jetë vonë për Kosovën dhe shqiptarët.

PËRGJIGJU

Ju lutemi shkruani komentin tuaj!
Ju lutemi shkruani emrin tuaj këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Më të rejat

Sa miliona Euro kanë sot çlirimtarët e Kosovës

Disa djem të ri, të fortë, të sigurtë në mendësi, iu bashkuan luftës çlirimtare në vitet e 90-ta të...

Ish-zëdhënësja e Berishës publikon fotot e ditëlindjes së saj, Erla Mëhilli më e bukur se kurrë

Erla Mëhilli, zëdhënësja e ish kryeministrit Sali Berisha, njihet si një nga politikanet më të bukura shqiptare. Ajo ka festuar ditën e djeshme ditëlindjen,...

LAJM I HIDHUR/ Ndërron jetë mjeku i QSUT nga Covid-19

Ka ndërruar jetë mjeku Hematologjisë në QSUT, Arjan Pushi i cili u fut në intubim pasditen e djeshme. Mjeku rreth 56 vjeç nuk kishte...

Trondit Ministria e Shëndetësisë: Rriten rastet pozitive në 24 orë, shtrihet shpërndarja e virusit

Sipas Ministrisë së Shëndetësisë janë konfirmuar 64 raste të reja me koronavirus në vendin tonë, gjatë 24 orëve të fundit. Kjo është java e...

Vrasja e Hekuran Billës: 26 vjeçarja del në gjykatë, rrëfen si u njoh me viktimën në Komunën e Parisit

Adiola Lakra doli sot në gjykatë për vlerësimin e masës së sigurisë, e akuzuar si bashkëpunëtore në vrasjen e Hekuran Billës. Prokuroria kërkon masën...

Më shumë artikuj të ngjajshëm