Numri i vdekjeve nga koronavirusi në Maqedoninë e Veriut ka shkuar në 10, pasi ditën e sotme ka humbur jetën një grua.

Lajmin e konfirmoi Ministria e Shëndetësisë e cila njoftoi se gruaja që humbu jetën ishte një 65-vjeçare nga Llabunishta e Strugës, vuante nga disa sëmundje kronike para se të infektohej edhe me kornavirusin e ri.

Numri total i rasteve me COVID-19 ka shkuar në 354, pasi ditën e sotme janë konfirmuar 25 raste të reja.

Sipas ministrit të Shëndetësisë, Venko Filipçe, Maqedonia e Veriut I ka kapacitetet të mjaftueshme për trajtimin e pacientëve me Covid-19. Ndër të tjera ai tha se  piku i pandemisë së virusit pritet të arrihet në fund të muajit prill.

“Kemi situatë dinamike në të gjitha zonat e vendit. Pikun e presim diku nga fundi i muajit prill. Mund të thuhet lirisht se sistemi shëndetësor është i përgatitur të pranojë numër më të madh të pacientëve”, ka deklaruar Filipçe.