Maqedonia e Veriut ka marrë masa të ashpra për 45 persona që kanë shkelur karantinë. Prokurorët në vend kanë kërkuar dënim për ata që nuk kanë respektuar masat e vendosura nga qeveria. Secili prej tyre do të duhet të paguaj gjobë prej 2,000 eurove.

Prokuroria Publike në Shkup deri te Gjykata Penale ka deponuar 39 propozime për shqiptimin e dënimeve, ku përfshihen gjithsej 45 persona. Ata akuzohen se kanë shkelur Nenin 206 të Kodit Penal, respektivisht akuzohen për “mosrespektimit të rregullave shëndetësore gjatë epidemisë”,

Një prej të akuzuarve e ka shkeluar urdhrin e qeverisë për izolimit të detyrueshëm 14-ditor, ndërsa 44 të akuzuarit e tjerë nuk kanë respektuar orën policore. Ata janë kapur në lokacione të ndryshme në Shkup pa leje për qarkullim gjatë orës policore.