Nga Arbër Hitaj

Pak vite më parë drejtuesit e RTSH, vendosën që të bënin thirrje publike për emisione të reja, me kritere të “mirëpërcaktuara”.

Rezultoj se nga shumë aplikime që shkuan, asnjë su pranua edhe pse disa ishin shumë cilësorë.

Por në të vërtetë programet ishin përzgjedhur, dhe thjesht hidheshin njoftime për të legjitimuar procesin, se institucioni është transparent.

E megjithate “mjeshtrat”, nuk hoqën dorë nga tallja, dhe në vitin 2018 nxjerrin një njoftim për konkurs për spiker lajmesh. Edhe këtu e njëjta situatë.

Vitet ikin, por jo huqet.

Një ditë më parë një tjetër njoftim ku kërkohen korrenspondentë në disa rrethe të vendit. Deri këtu shumë mirë, por na vendosen disa kritere shumë diskriminuese, jo më shumë 30 vjeç dhe audicionet do të bëhen më pas. Si institucion publik që është, nuk e di ku bazohet që vendos kritere diskriminuese, por të habit fakti se në situatë krize, me një tej ngopje strukture, dhe më kryesorja me një cilësi skandaloze (jo për mungesë gazetarësh), këta drejtues kanë edhe ambicje të tilla. Ndërkohë shumë kolegë në rrethe thonë se disa korrenspondentë kanë filluar punën.

Tani një thirrje kam ndaj këtyre “mjeshtrave”, nuk është te sasia suksesi se nuk është me vota televizioni, është te cilësia, që as e keni në planet e tuaja.