Historia e Loredanës dhe gruas zviceriane që i zhvati rrëth 900 mijë franga së bashku me vëllain e saj, mesa duket nuk qenka mbyllur ende. Reperes i duhet që në muajin qershor të dalë sërish në gjyq.

Gjatë një intervistë për median “20 minuten.ch”, zonja Petra shprehet se tani nuk ka më frikë siç kishte një vit më parë, tashmë ajo ndihet shumë e fortë.

“Tani kemi avokatin tonë që po kujdeset për gjithçka, hetimi po vazhdon dhe kjo na jep shpresë se do marrim sërish paratë tona”, shprehet ajo gjatë intervistës.

Sipas Petrës dhe burrit të saj Hans, në mbrëmjen e arrestimit, Loredana i ka ofruar 200,000 CHF dhe më pas 350,000 CHF, por ata nuk kanë pranuar sepse reperia i ka borxh të paktën dyfish më shumë. Pas arrestimit, llogaritë e Loredanës që mendohet se ka qindra mijëra franga u bllokuan.

Çifti ka besim se prokurori publik Lucerne do të zgjidhë çështjen.

“Ne e dimë se çështja është e komplikuar, por shpresojmë që gjërat të ecin mirë, ne nuk kemi më para, duhet t’i rimarrim që të vazhdojmë jetën tonë.

Betohem për Zotin, për vajzën dhe familjen time: Unë po them të vërtetën. Loredana, ju lutemi tregoni të vërtetën tani, ka qenë thirrja e gruas për Lorendanën.