Kirsten Rausing është gruaja më e pasur në Britani. Ajo zotëron një pasuri prej 12.1 miliardë paundësh.

Kirsten drejton firmën familjare Rausing, e cila e krijoi pasurinë e saj nëpërmjet kutive të kartonit, me të cilat ambalazhohet qumështi.

Sot ajo kryeson listën Sunday Times Rich List për gratë më të pasura në Britani.

Ajo, së bashku me vëllezërit e saj, Jorn dhe Finn, janë në bordin drejtues të Tetra Leval, kompanisë që zotëron Tetra Pak.

Kjo kompani është më e madhja e ambalazhimit në botë dhe mendohet të jetë e para që krijoi formatin e kutisë së kartonit për të mbajtur qumësht. Ideja besohet se i erdhi gjyshit të Kirsten, teksa shihte gruan e tij të bënte salcice duke i lidhur në të dyja anët.