Një infermiere u shfaq para pacientëve me një veshje mbrojtëse shumë transparente ku i dukeshin edhe të brendshmet, në një repart COVID-19 në një spital në Rusi.

Fotografia e saj u bë virale pasi një nga pacientët e këtij reparti e ka hedhur në rrjetet sociale. Shefat e spitalit morën masa kundër saj për mosrespektim të kërkesave për veshjet mjekësore.

Infermieja 20-vjeçare u shpreh para shefave të spitalit se është shumë nxehtë për të mbajtur veshur uniformën e infermierevë poshtë veshjes mbrojtëse. Madje ajo u shpreh se nuk e kishte vënë re se veshja ishte kaq transparente.

Sipas shefave të spitalit vajza kishte veshur të brendshme poshtë veshjesh mbrojtëse por vajza i kundërshtoi ata duke u shprehur se kishte në kostum noti poshtë fustanit mbrojtës.

Infermierja nuk ka folur publikisht për incidentin dhe detajet e sakta mbi masat disiplinore nuk janë marrë vesh ende.